工作日誌-說謊的開鎖

尋晚成晚都落雨,剛食飽晚飯收到個電話 對話內容係咁嘅
電話中的客人:係咪將軍澳開鎖?
我:係呀,有乜幫到你?
客人:我出門口冇帶鎖匙,而家冇門口入,想你幫我開鎖
我:將軍澳咩屋苑?
客人:調景嶺善明邨
我就問對方:你把門鎖是否原裝鎖?
客人:係呀
我:你把鎖要用鎖匙反鎖先可以鎖門,點會唔記得帶鎖匙呢?
客人:係咁嘅,我冇帶鎖匙出街,但之後屋企人出門口鎖左門,所以我冇得入屋,而且佢地好夜先返,所以搵開鎖
客人連開鎖價錢都冇問就俾地址,不過我當然會同客人說明清楚開鎖幾錢,對方確認後先會出發的….. 到達現場,我拎出工具開鎖,觸碰門鎖當然有聲音,可是同時在屋內亦傳出一把女士聲音,(做乜搵人開鎖呀,你叫開鎖佬唔好搞呀,唔係我即刻報警嫁)
當然我立刻停手,客人好抱歉的樣子同我講 : 我同太太嗌交俾佢趕左出門口,企左兩個幾鐘,佢都唔開門俾我,所以我搵你黎開鎖,實在唔好意思
我解釋佢聽,我為你處境感到難過,但你們的糾紛我實在幫不到你,有人在屋內我是無法在外開門的,如果屋內人俾我開鎖,佢就唔會要你企兩個幾鐘喺出面啦….

Close Menu